ГIарагIули а, цхьогал а

Цхьана дийнахь гӏарагӏулино цхьо́гале аьлла:

— Хьажахь, цхьо́гал, са^н массо а кӏорни дайна, ткъа хьа^н кӏе́зий, шайна ижу́ а лоьхуш, даккхий хилла. Вайшиъ хӏу^н деш ӏа чу а хиина? Цхьажимма дуьне́не́ бӏаьрг тоха йаха йеза вайшиъ, дуккха а хаза хӏуманаш гур ду вайна.

— Стенга гlyp ду вай? — хаьттира цхьо́гало.

— Стигала хьаладоьвр ду вай, — жоп делира гӏарагӏулино. Гӏаддаххана деладелира цхьо́гал:

— Ой, со хьала муха до́лу стигала? Са^н тӏе́маш ма дац.

— Хьа^н цахиларх, са^н ма ду, — аьлла гӏарагӏулино. — Tӏexaa су́на, цхьаьна стигала хьаладоьвр ду вай!

Дукхе-дукха хазахетта, тӏетайра цхьо́гал цо бо́хучунна: чӏо́гӏа лаьара цунна, стиглахь хӏу^н ду хаа. Гӏарагӏулина цхьо́гал тӏе ма хиъинехь, цо шен де́ха тӏе́маш дӏа́са а даржийна, и шиъ стигала хьаладаьлла. Вуно лакха хьала а йахана, цигахь хаьрццина тӏекӏалъйаьлла гӏарагӏули. Цунна тӏехь долу цхьо́гал, хеца а делла, охьадо́гӏуш хилла.

Цунна улло а йеана йогӏучу гӏарагӏулино хаьттина:

— Цхьо́гал, во́, цхьо́гал, хӏу^н гира хьу́на стиглахь? — алла.

— Эээ, гӏарагӏу́ли, — жоп делла цхьо́гало, — стиглахь дуккха а хаза хӏумнаш дара, амма цхьаъ вон ду — схьала́ца, тасадала хӏума йац цигахь!

— Ахь хӏу^н дуьйцу! — аьлла гӏарагӏулино. — Хӏу^н дийр ду тӏаккха, массо а хӏуманна а Де́лан лаам бу-кх! Де́лан лаамца къиссалур дац. Да́лла диначунна ре́за ду-кх!

Цхьо́гал лаьттах а кхетта, делла.

Иштта бекхам бина гӏарагӏилино шена тешнабехк биначу цхьо́гална.