Ребаӏат. Бакъ дийцар

луларчу бе́рашна гӏо дар доьхуш, шайна ӏожалли^н са́гӏа цунах дар Де́ле доьхуш, дӏахьажадора. Болатан къам кхи^н муьлхачу къо́мах а́ла деза! Баккхийчий^н гӏа́зот къо́бал а деш, ӏожаллин новкъа бевлларш буьтуш, Ребаӏат сихо йеш бе́рашна тӏехула ӏожала хьийзачу хӏусамашка кха́ча хаьжира. Масийтта нохчий^н бе́рий^н са ӏо́жалла^н багара даьккхира зудчо хӏокху суьйрана.

Ше́н тоьлин готтачу неӏарах чу а йеъна, ше́н шина йоьӏан а́гӏо ло́цуш, и шиъ ше́н не́на^н дега^н йовхонца йохйеш дӏайижира Ребаӏат.
Амбар йо́цург кхи^н рицкъа да́цара хӏокху нохчий^н мисканий^н, ӏожалло лаг лаьцначу хийран а́рахь. Масех де даьлча, Ребаӏатас ӏожаллица къевсина даьккхина рицкъа, кха́чадала^н дезаш дара. Уойла йа^н йезара, кхи^н дӏа му́ха амбарах пайда оьцура бара. Ша́ цхьаъ и ларалура йа́цара, хе́хоша и лоцура йара, ткъа къола деш каравахна нохчочунна, це́ра^н герз тӏе тоха бакъо йолуш дара, цхьана меттехь. Тӏехула тӏе, хе́хочо и герз тоьхна, къу вийча, цунна Совета^н ӏе́дало ахча а лора, преми аьлла цӏе а тоьхна. Дикка ладоьгӏча, чохь са дисина боьрша нах а ба́цара, ца́ра, шайна а ца кхо́чийтуш, бе́рашна а, зударшна а дӏалора, шайна карадеъна рицкъа. Ребаӏатан майрчун Зойрбека^н гергара а ларлуш, хӏинцца мекх хьалагӏуртуш чо ба́лаболабелла, Муслим бо́хуш цӏе а йолуш кӏант-стаг вара. Муслим дуьххьала дӏа къар ца луш, шадолчу дуьненна а дуьхьалаваьлла къаьсташ вара массарна а йукъехь. Муслимана тӏехь бӏаьрг сецира Ребаӏата^н. Цо цхьаннига а ца хоийтуш ше́н тоьлийнчу валийра кӏант. Дашо бос лепаш долу кӏана буьртигаш шена гича, цецваьлле́ра кӏант. Зудчо жимма кхаьрзина дисина кӏа а де́лира мацало кийра хьовзийначу кӏантана. Тӏаккха хӏокхо дийцира, бӏаьргаш серла даьллачу кӏантана, шена дагадеънарг. Муслим чӏо́гӏа ре́за хилира Ребаӏатица амбара чуьра кӏа лачкӏада^н ва́^н. Муслим хье́къал долуш кӏант хилле́ра, цо, шаьш амбарна буха девлича, буруца шиъ, кхоъ ӏуьрг доккхура, га́ли^н чу кӏа сиха охьаэхийта. Шай^н га́леш ах даьлла дуьзича, буруца даьхначу ӏуьргашна чуьра кӏа охьа ца эхийта, тӏаккхахула даьхкича атта хилийта, бамбий^н поттарчий а йеъне́ра. Миччара карийнехь а, ше́ний, Ребаӏатиний тиша делахь жимма кӏай^н басахь кӏа́ди бахьана а карийне́ра. Салтий^н