Дӏакха́чалуш ду де а…

Дӏакха́чалуш ду де а, малхехь даьгна,
Дӏо́ регӏа ӏенош ӏожах бо́гу бос.
Дӏайухуш йолчу пхьоьхано, вайх хьаьгна,
Вай^н уьйр-марзонаш доьзалшна чухьо.

Ткъа вай-м йуха а хӏокху пхьоьханера
Дӏагуллур ду вайх цхьанна^н хӏусаме.
И гӏиллакх цӏе́ра ду вай^н жималлера – 
Дӏа́са ца довлар, пхьуьйре йекъна бен.

Ткъа кха́на-м, вайна малх а гӏийла гӏоттуш,
Дӏахедар беца пхьоьхане цхьа некъ:
Йурт шена тӏаьхьайоьлху те́зет хӏоттош,
Вайх цхьамма бийр бу тховса тешнабехк.