Чӏегӏардиган тӏемаца ирс

Адмаша шаьш динчу цӏено чу хӏиттош долу маьнгеш, гӏанташ, истолаш санна, чӏе́гӏардигаша а кечбора шай^н бен.

Амма цхьана дийнахь делкъана со ишко́лера цӏаво́гӏуш су́на дуьхьала хьаьдира Рамзан а, Ражап а. Велхаволлуш вара са^н жима ши ваша.

— Шуна хӏу^н хилла? Цхьаммо йиттина шуна? – хаьттира а́са.

— Вай^н чӏе́гӏардигийн бен чубоьжна, — доьхначу озаца э́лира Рамазанас.

— Уохьа… боьжна! – воьхне́ра Ражап а.

Со сихха уьйттӏа вахара, вежарий^н куьйгаш а лаьцна, цаьрца цхьана.

Рагӏу́^н кӏелхьара дукъох ла́ми а гӏортийна, Зийна йара цхьаъ-м деш йоллуш.

Тхоьга цхьаъ а́ла^н гӏерташ пӏелг хьежош жима Ризван а вара ла́мина улло́хь цӏенкъахь палсана тӏехь ӏаш.

— Хӏу^н хилла, Зийна? – хаьттира а́са сихлуш.

— Дукъуна тӏехьаькхинчу кирано тӏе ца лаьцна чӏе́гӏардигийн бен бина болу поппар. Деккъа цӏена дечига^н дукъо хиллехь-м лаьттара бара и бен, — кхетийра со на́нас.

— Ткъа хьо хӏу^н деш йу оцу тӏехь? – хаьттира а́са не́на^н буйнахь жӏов а хаайелла.

— Кӏела даккхийра хьостамий а тоьхна царна тӏехь бен данисбеш йу-кх! Гӏуллакх хилахь та́маша-м бу! Адамий^н куьг кхеттий хаалахь, ца́ра кхуссий буьту шай^н бен! – ша́-шега о́луш санна. Со кхетийра Зийнас, ша́ да^н леринчух.

Сихо йеш, чӏе́гӏардигийн бен чухоьурболуш горга кӏелатоьхначу беъа хьоста́машна техь и дӏа а нисбина, ла́ми^н тӏера чуйоьссира Зийна. Ла́ми йуьстаха а боккхуш, сихха шеца тхо а дуьгуш уьйтӏа йуьстаха йе́лира и рагӏу́^на кӏелхьара. Геннара хьийса дуьйлира тхо массо а хиндолчуьнга. Хӏинца-м мотт ӏа́маза волу жима Ризван а вара дӏитийна, цхьа бохам хилларах кхетта. Дикка ӏийра тхо чӏе́гӏардигаш шай^н бенчу дерзаре сатуьйсуш, амма иза эрна дара.

— Кхи^н хӏокху керта до́гӏучуьра девлла и чӏе́гӏардигаш! – догдоьхна э́лира тха^н на́нас. Да^н хӏума дац… Да́ла доьгӏна хилла иза иштта. Дуьло, хӏинца рагӏу́^н кӏелахь, шайна лаахь, хелха довла а мегар ду шуна, — догдилларца тӏетуьӏхира цо жимма ӏийча.

Рагӏу́^н кӏелахь хӏума кхоллуш ӏаш, кест-кестта хьала хьожура со, чӏе́гӏардигаша оццул къахьоьгуш бинчу бене. «Ирс дохьуш кхаьчна уьш вай^н рагӏу́^н кӏела!» — не́на^н дешнаш дагадаьхкира су́на.

— Зийна, хӏинца вай ирс до́цуш дисина-кх? – хаьттира а́са не́не.