Турпал нохчуочух илли

Турпал нохчочух илли

Къе́налла тӏегӏерта, дагана ва ца товш,
Къо́налла дӏагӏерта, дагана ва ца товш.
Сийлахьа ва волчу, цу Турпал Нохчочух,
Вай^н илли ас э́р ду, ладогӏа, къонахий!

Болатах дӏа́сакхиссало и суйнаш ва санна,
Даьржина вай дуьненахь цу Турпал Нохчочух!

Буьйсанна борз йехкаш, дуьнен чу доьвлла вай,
Ӏуьйранна лом у́гӏуш, цӏераш вайна техкина,
Вай иштта кхоьллина цу Турпал Нохчочух!

Цу сенчу ва стиглахь ӏаьржа марха ца хилча,
Вай^н латта ва ӏабош, догӏа ма до́гӀур дац.
Цу болатан ва дага́хь ӏаьржа ба́ла ца хилча,
Вай^н бӏаьргаш ва башош, хи^н тӏадам бужур бац.
Са кхуьу ва хӏума, вай Да́лла тӏе ца диллича,
Цхьана а гӏуллакх тӏехь вай^н аьтто хир ма бац.

Массе́ра^н да́ волу, цу Турпал Нохчочун цӏе
Дуьнен тӏехь мел де́ха, вай цкъа́ а йожор йац.