Хьан кор а догур ду, цу буса санна...

Хьа^н кор а до́гур ду, цу буса санна,
Шелдина лай^н чимаш хьийзочу мохо.
Букъ йуккъе тӏехьашха урс ту́хуш санна,
Хӏинца а хезаш берг цу коран мохь бу.

И цӏа а лаьттар ду, ца девзаш санна,
Биц ца беш шена чохь цкъа баьгна безам.
Исс неӏалт воьдучу соь кхайкхош санна,
Хӏинца а го су́на цу цӏийна^н хьежар.

Латта а хьийзар ду, ца хууш санна,
Адамо адаман ӏодика йиний.
Цхьаъ цхьаннах ца кхетча ницкъ ешча санна,
Седарчий оьгур ду, доьлхур ду илли