Къуръанан дозалла

[ الحَدِيثُ الْحَادِي عَشَرَ ]

عَنْ أَبِي مُوسَى الْأَشْعَرِيِّ عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: " تَعَاهَدُوا الْقُرْآنَ فَوَالَّذِي نَفْسُ مُحَمَّدٍ بِيَدِهِ لَهُو أَشَدُّ تَفَلَّتَا مِنَ الإِبْلِ مِنْ عَقْلِهَا " رواه البخاري [(5033)]، ومسلم [(791)].

ЦХЬАЙТТАЛГӏА ХЬАДИ́С

Абу́ Му́са́ ал-Ашӏарис (Алла́хӏ ре́за хуьлда цунна) дийцина, Пайхамара (Алла́хӏера къинхетам а, маршо а хуьлда цунна) э́лира аьлла: «Къуръа́н кест-кеста (да́има а) деша, хӏунда аьлча аса дуй ма буу Мухьаммада^н са Шен карахь долучух, боккъалла а, карара чехка долуш ма ду и – шен барголах хецайелла эмкал санна» (Буха́ри: (5033), Муслим: (791)).

[ الحَدِيثُ الثَّانِي عَشَرَ ]

عَنِ ابْنِ عُمَرَ رَضِيَ اللَّهُ عَنْهُمَا أَنَّ رَسُولُ اللَّهِ صَلَّى اللهُ عَلَيْهِ وَسَلَّمَ قَالَ: " إِنَّمَا مَثَلُ صَاحِبِ الْقُرْآنِ كَمَثَلِ الْإِبْلِ الْمُعَقَّلَةِ، إِنْ عَاهَدَ عَلَيْهَا، أَمْسَكَهَا، وَإِنْ أَطْلَقَهَا، ذَهَبَتْ " رواه البخاري [(5031)] ، ومسلم [(782)].

ШИЙТТАЛГӏА ХЬАДИ́С

Ибн ӏумара (Алла́хӏ ре́за хуьлда цаьршинна) дийцина, Алла́хӏа^н элчано (Алла́хӏера къинхетам а, маршо а хуьлда цунна) э́лира аьлла: «Боккъалла а, Къуръа́н дагахь хууш волу стаг шайн когех барголаш тоьхна эмкалш йолучух тера ву: нагахь цо уьш гуттар а оцу хьо́лехь латтайахь - (шен) карахь латтор йу цо уьш, амма нагахь цо уьш (когаш а даьстина) дӏахецахь - йовдур йу уьш» (Буха́ри: (5031), Муслим: (782)).

[ الحَدِيثُ الثَّالِثُ عَشَرَ ]

عَنْ أَبِي مَسْعُودٍ البَدْرِيِّ رَضِيَ اللهُ عنهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: " مَنْ قَرَأَ الْآيَتَيْنِ مِنْ آخِرِ سُورَةِ الْبَقَرَةِ فِي لَيْلَةٍ كَفَتَاهُ " رواه البخاري [(5009)]، ومسلم [(808)].

КХОЙТТАЛГӏА ХЬАДИ́С

Абу́ Масӏу́д ал-Бадрис (Алла́хӏ ре́за хуьлда цунна) дийцина, Пайхамара (Алла́хӏера къинхетам а, маршо а хуьлда цунна) э́лира аьлла: «Буса «Бакъарат» су́рата^н тӏаьххьара долу ши айат дешначунна – и шиъ тоам болуш* хир ду цунна» (Буха́ри: 5009, Муслим: 808).
* Массо а вонех уьш дешнарг ларва^н тоьаш ду и ши айат, йа оцу буса ла́маз да^н гӏаттара^н метта хила тоьаш а ду.