25-гӏа хьадис. Сийлахь-Везачу Аллахӏан комаьршалла а, Цуьнан къинхетам боккха хилар а

عَنْ أَبِي ذَرٍّ رَضِيَ اللهُ عَنْهُ أَيْضًا، "أَنَّ نَاسًا مِنْ أَصْحَابِ رَسُولِ اللَّهِ صلى الله عليه و سلم قَالُوا لِلنَّبِيِّ صلى الله عليه و سلم يَا رَسُولَ اللَّهِ ذَهَبَ أَهْلُ الدُّثُورِ بِالْأُجُورِ؛ يُصَلُّونَ كَمَا نُصَلِّي، وَيَصُومُونَ كَمَا نَصُومُ، وَيَتَصَدَّقُونَ بِفُضُولِ أَمْوَالِهِمْ. قَالَ: أَوَلَيْسَ قَدْ جَعَلَ اللَّهُ لَكُمْ مَا تَصَّدَّقُونَ؟ إنَّ بِكُلِّ تَسْبِيحَةٍ صَدَقَةً، وَكُلِّ تَكْبِيرَةٍ صَدَقَةً، وَكُلِّ تَحْمِيدَةٍ صَدَقَةً، وَكُلِّ تَهْلِيلَةٍ صَدَقَةً، وَأَمْرٌ بِمَعْرُوفٍ صَدَقَةٌ، وَنَهْيٌ عَنْ مُنْكَرٍ صَدَقَةٌ، وَفِي بُضْعِ أَحَدِكُمْ صَدَقَةٌ. قَالُوا: يَا رَسُولَ اللَّهِ أَيَأْتِي أَحَدُنَا شَهْوَتَهُ وَيَكُونُ لَهُ فِيهَا أَجْرٌ؟ قَالَ: أَرَأَيْتُمْ لَوْ وَضَعَهَا فِي حَرَامٍ أَكَانَ عَلَيْهِ وِزْرٌ؟ فَكَذَلِكَ إذَا وَضَعَهَا فِي الْحَلَالِ، كَانَ لَهُ أَجْرٌ". [رَوَاهُ مُسْلِمٌ].

Абу Зарра (Аллахӏ реза хуьлда цунна) аьлла, (цкъа) цхьана наха элира аьлла:

««Хӏай, Аллахӏан элча! Баккхийра бахамаш болучарна хир ду-кха (массо) совгӏаташ: оха санна ламазаш деш ма буй уьш, оха санна марханаш кхобуш а ма буй уьш. Делахь а, цара кхин а шайн хьолах совдаьлларг сагӏийна а ло».
(Царна жоп луш, пайхамара (Аллахӏера къинхетам а, маршо а хуьлда цунна) аьлла: «Ткъа цуьнах шун сагӏа дала (йиш хир йолуш) Аллахӏа шун а ца бина аьтто? Боккъалаъ, хӏора «Субхьаналлахӏ» («Сийлахь ву Аллахӏ») алар - сагӏа ду, хӏора «Аллахӏу акбар» («Аллахӏ Воккха ву») алар - сагӏа ду, хӏора «Алхьамду лиллахӏ» («Аллахӏана хастам бу») алар - сагӏа ду, хӏора «Ла илахӏа иллаллахӏ» («Кхин дела вац, Аллахӏ воцург») алар - сагӏа ду, иштта диканиг де алар - сагӏа ду, вониг ма де алар - сагӏа ду, шух муьлххачуьнан а шен зудчуьнца вижарехь догӏу гӏуллакх дар а - сагӏа ду!».
Цара хаьттира: «Хӏай, Аллахӏан элча! Тхоьх цхьамма шен дегӏан лаам ӏаборехь а ю цунна ял хуьлуш?!».
(Жоп луш) цо аьлла: «Ткъа алал соьга, цо шен (дегӏан лаам) хьарамчу кепара ӏабийча къа хуьлуш дац цунна? Цуьнах терра, цунна ял а хир ю - цо и магийначу кепара дахь.»