Докъаца кхоллам

Цу меттехь цо гӏарбаш йа́лийна. Шена дейтта шара чохь гӏа лестош улло́хь ӏийна йолу и йоӏ шай^н гӏарбаш а йина, де́хаш ӏеш хилла и самаваьлла стаг а, цуьна^н хьалха хилла йолу гӏарбаш а.

Ша́ ба́зара мосузза воьду цу стага о́луш хилла шай^н гӏарбаше:

— Хьу́на хӏу^н йохьур йу ша́ ба́зарара, — о́лий.

Цкъа иштта шега аьлча йоӏа де́хар дина шена тайниг а, урс а, баттам а е́цахьара, аьлла. И цӏераш йаьхна йолу хӏуманаш шена йеача, тайниг а ловзош ӏеш йолчу йоӏа, тайниг охьа а йиллина, шена хилларг йуьххьера дуьйна дийца а дийшша, тайниге аьлла:

— Тайниг, са^н къиний, ба́линий йелха хӏунда ца йоьлху хьо? — Мохь тоьхха йилхина тайниг. Баттам, са^н къиний, ба́линий хьала а иккхина, лаьттах кхетта йоьхна-йаьржина дӏа хӏунда ца йоьду хьо? — аьлла, йоӏа баттаме.

Хьала а иккхина лаьттах кхетта йоьхна дӏайахана баттам.

— Урс, са^н къиний, ба́линий хьалаиккхина, тховх кхетта са^н дагах хӏунда ца догӏало хьо? — аьлла йоӏа.

Хьалаиккхина урс тховх кхетта, йуха чу да́ле, чу иккхинчу кӏанта, йоӏа и хабар дуьйцуш къайлах ладоьгӏуш лаьтташ волчу, катоьхна урса кӏелхьара схьайаьккхина йоӏ. Тӏаккха хиъна кӏантана оцу гӏарбаша кху йоӏана тешнабехк биний. И йоӏ шена а йа́лийна, хьалха хиллачу гӏарбашах гӏарбаш а йина, даха хиъна и шиъ.