Кхаа вешин хабар

— Йара де́ра,— аьлла.

Цу шиннал а жимах волчо аьлла:

— Аьтту бӏаьрг баьлла йарий иза? Эмкала^н да́с жоп делла:

— Йара де́ра, — аьлла. Тӏаккха ца́ра аьлла:

— Хьа^н эмкал тху́на ган-м ца гина. Цул тӏаьхьа эмкала^н да́с аьлла:

— Шух кхетта-кх са^н эмкал, аша схьайала йеза иза. Кхаа вашас аьлла:

— Тху́на хьа^н эмкал ган а ца гина, о́ха мичара лур йу хьу́на эмкал? Мухха а це́ра^н гӏуллакх къовсаме а даьлла, вежарша цуьнга аьлла:

— Делахь хьо тхоьца ва́^н веза, цхьана йуьртахь кхел йа^н хууш, говза дов къастош, цхьа стаг ву бо́ху. Цига доьлхуш ду тхо а, тхайна йуккъе цхьа дов доьжна. Цо хьа^н эмкал тхайх хьарчайахь, о́ха токхур йу хьу́на.

И стаг а вахана цаьрца, кхел йа^н хууш волу стаг волчу.

3

Бахана дӏакхаьчна уьш. Кхел йа^н хууш волчу стага хаттар дина:

— Шу хӏу^н гӏуллакх хилла даьхкина?

— Тхо кхо ваша, тхаьшна йуккъе доьжна дов къасто, хьу́на тӏе во́гӏуш вара. Новкъахь дуьхьалкхеттачу хӏокху стага, шен йайна эмкал о́ха лачкъийна бо́хуш, дов дахьаш хӏара а веана. Цкъа хьалха кхуьнан дов къастор вай, тӏаккха о́ха тхе́шаниг а дуьйцур ду.

Кхел йа^н хууш волчу стага хаттар дина эмкала^н де́га:

— Мича бакъонца хьарчо гӏерта хьо кха́рах хьай^н эмкал?

— Эмкал йайна, новкъа иза лоьхуш лелаш вара со. Кхарна дуьхьал кхетча, аса шайга дӏахаттале, воккхах волчу вашас э́лира: «Эмкал йайна-х ца лелий хьо?» Цул жимах волчо э́лира: «Тӏаьхьарчу когана астагӏа йарий иза?» — аьлла. Цу шиннал а жимах волчо э́лира: «Аьтту бӏаьрг баьлла йарий иза?» — аьлла. Са^н эмкал су́начул дика кхарна йовзарехь, сай^н эмкал кха́рах кхетта моьтта су́на.

Тӏаккха кхел йа^н хуучу стага цу кхаа вешега хаттар дина:

— Аша хӏу^н о́лу? — аьлла. Воккхах волчу вашас жоп делла:

— Цуьна^н эмкал га^н а де́ра ца гина су́на, амма цуьна^н эмкал йайний, стенах хиира аьлча, эмкал нисса шен новкъа дӏа ца йоьдуш, йуьстахйуьйлуш, йа́жа кхийдина меттиг йара. Оцу тидамах хиира су́на, тӏехь да́ во́цуш иза хилар.

Шолгӏачу вашас аьлла: