Йуьхь йу са^н, на́на

Ахьчул доггах хьехам бала
Цхьа а варий, да́да?
Ахьчул мерза кха́ча ба^н а
Цхьа а йарий, на́на?

Кӏентий^н ойла-м, тӏе́маш айба 
Хьаьгна, хьийза а́рахь.
Шу^н хебаршка йижна гӏайгӏа
Айкх ма йуьйлу царна.

Молла кхойкхуш, ла́мазна а
Уьш дӏагулло бертахь,
ӏийда^н де а, хьа́ша санна,
Ло́ру хӏо́ра кертахь.

Амма не́на^н гӏийла кхийлам
Бицло, цунна херлуш.
Не́нехула да́с хьахийна
Дерг а дуьсу эрна.

Довш ду техьа, доьзал аьхна
А́ганара буссуш,
Луцаш  санна, къайлах даьхна
Ирса декъах дустарш?

Дуьхьалхӏотта хьуний, де́ний
Йуьхь йара-кх са^н, на́на.
Сох цӏе хоьттинчу тӏаьхьено
Хӏу^н лелор те кха́на?