Са^н гӏе́ний^н дастаза маьӏна

Бе́ралли^н шерашна аьхна
Хиллачу туьйранех йуьйлуш,
Цхьа дажал вуссур ву баьхна
За́ма са^н гӏе́наш чу йуьйлу.

Вайна цо кечбина бо́хам
Кхаж бу те́ йилбазий^н баьлла?!
Синошна и да́лато́хар
Хӏинцале бале ма даьлла.

Са кӏезга хиларна до́цуш,
Са хьаьшна хиларна дуй и-м.
Бакъ-харцций, цецах чекх ло́цуш,
У́зуш дац йа дош, йа дуй а.

Мозгӏарна вайгахь га^н тайннарг
Аллахӏа цӏарах а баьрчче
Даккхалуш хилар а вайна
Хезна а, гина а даьлча,

Вай хӏунда сихло те́ теша
Цӏуьхӏарий^н суьпачу кхаьънех?
Цунде́ла дазлуш ду теша
Са^н гӏе́ний^н дастаза маьӏна?

Дуьненан букъ хьоьшу ерчо
Тидахь а дажала^н цӏарца,
Къинош-м ду вайна тӏехьерчош,
Марз а деш Аллахӏа цӏарца.