Саид-Хамзат Нунуев - байташ

Йухадерзар

“Де́ла во́цург накъост во́цуш” пьеса йуьккъе́ра гимн

И Де́ла ша́ во́цург, накъост ца хиллачахь
Нохчаллех ца духуш, дирзи вай цӏа.
Дуьненчохь уггаре со́баре лаьмнашкахь
Де́хар вай ирсах ца хьоьгуш кхи цкъа́.

Харцоно ӏа́дийна лаьттина латта
Сагатдеш, дилхина шовданий^н хиш
Шу-м хӏинца, тхо санна, даккхийдеш, лаьтта
Гурда́ций шуна – м тха^н бӏаьргаш чохь хиш.

Даккхийдеш чукъерза стиглара седарчий
Ирс ӏенош, чукхетта и дашо малх.
Ца гиний шуна – м тхо горъегна цкъа́ а.
Ца гиний шуна – м тхо къарделла цкъа́.

Со́барца, хье́къалца, эхь – ийман де́бийна
Де́хар вай Нохчаллех ца духуш цкъа́.
Йилбаза^н букъ бойна, бакъо а толийна
Де́хар вай ца хедаш вай^н махках цкъа́.

И Де́ла ша́́ во́цург, накъост ца хиллачахь
Нохчаллех ца духуш, дирзи вай цӏа.
Дуьненчохь уггаре со́баре лаьмнашкахь
Де́хар вай ирсах ца хьоьгуш кхи цкъа́.