Ца лаьа су́на ва́ха

Кху лаьттан тӏехь лела со
Кӏад а велла лела
Дуьненан къийсамо
Хала ди са деӏар

Маьлха^н зӏаьнарш
Йайъина бодано
Дай баьхна латта
Хӏаллак дина тӏамо

Цӏе летта безамах
Чим а Вай^на бисна
Вай^н хиллачу гӏа́ланах
Гӏамарш вайна йисна

Вай^н хилла ма́шарах
Горгам йина йайъина
Тӏом лаьтта бӏе шарахь
Адамаш дайина

Дай-на́ной белха беш
Бе́рий^н са до́лу
Цӏий чохь вай керча деш
Мостагӏ тӏе во́гӏу

Вай къинойх цӏан делла 
Да́лла бу хастам
Вайна йукъахь цхьа барт хилла
Вай ма-дац къастор

Вай^н йарташкахь йо́гӏур йу 
Аьхкена^н йовхо
Къинхетам Де́лера
Бахьар бу до́гӏано

Дай баьхна лаьттан тӏехь
Хир ду вай^н да́хар
Таханле́ра ба́ланца
Ца лаьа су́на ва́ха