Кхаа вешин хабар

Кхаа веши^н хабар

1

Хьалхале́рачу за́манчохь цхьана де́^н кхо кӏант хилла. Ша́ леш да́с шен кӏенташка аьлла:

— Хӏа^н-хӏа, са^н кӏентий! Со вала воллу, цхьана меттехь аса лаьттах доьллина тӏорказ ду, цуьна^н до́гӏа хӏунехдинчу меттехь ду. Со веллачул тӏаьхьа, пхи-йалх де даьлча, кхоь а цхьаьна, и до́гӏа а даккхий, цу тӏорказ чу хьажалаш.

Дукха хан йа́лале да́ кхетта велла це́ра^н. Вежарех лечкъина, жимах волчу вашас вахана тӏорказа^н до́гӏа даьккхина. Чухьаьжначу кӏантана тӏорказ чохь карийна сов дезачу ме́хан кхоъ жовхӏар.

Ца́рах цхьаъ лачкъа а дина, тӏорказ дӏа а къоьвлина, тохара санна, до́гӏа ша́ хиллачу дӏадиллина цо.

Пхи-йалх де даьллачул тӏаьхьа, воккхах волчу вашас аьлла шен шина веше:

— Хӏинца схьаэца, Вай^н да́с аьлла до́гӏа, оцу тӏорказ чу хьовсур ду вай. До́гӏа схьаэцна, тӏорказ чу хьоьвсича, царна шиъ бен жовхӏар ца карийна.

Воккхах волчу вашас аьлла:

— Хӏокху чохь жовхӏар кхоъ хилла хир ду. Вайх цхьамма цхьа жовхӏар лачкъийна, хӏунда аьлча, вай^н да́ хье́къал долуш стаг вара, вай кхаанна цӏарах цхьацца жовхӏар бен дуьллур да́ца́ра цо дӏа. Оццул кхетам болуш волчу цунна хуур дара, декъа а, дохон а йиш йо́цуш долу ши жовхӏар вовшашна йуккъехь декъа а, нисда а вай^н барт кхетарг цахилар.

Цу тӏе а доьгӏна, су́на хета, оцу чохь жовхӏар кхоъ хилла, аьлла.

Мухха а цу тӏоьхула барт а ийгӏина, кхо ваша цхьана махкахь кхеле хууш, говза дов къастош стаг ву, аьлла, шай^н дов цуьнга къастадайта, цига ваха араваьлла.

2

Дикка гена боьвллачу хе́нахь, воккхах волчу вашас аьлла:

— Кху новкъа, шен де́х а къаьстина, цхьа эмкал йахана-кх. Цул жимах волчу вашас аьлла:

— Йаха а де́ра йахана, тӏаьхьарчу аьрру когана астагӏа а де́ра хилла иза. Оцу шиннал а жимах волчо аьлла:

— Кху новкъа аша бо́ху эмкал йаха а де́ра йахана, аьтту бӏаьрг баьлла а де́ра хилла цуьна^н.

Иштта хабар а дуьйцуш, хӏорш новкъа боьлхучу хе́нахь, и эмкал ца карош лела цуьна^н да́ кхарна дуьхьал кхетта. Вокхах волчу вашас цуьнга хаьттина:

— Эмкал йайна-х ца лелий хьо? Цо жоп делла:

— Лела де́ра, — аьлла. Тӏаккха цул жимах волчо аьлла:

— Тӏаьхьарчу аьрру когана астагӏа йарий иза? Да́с жоп делла: