Амма карий туьйранера гӏа́ла,
Ге́нахь до́цуш и хьо йе́ха цӏа.
Виси мотт а сецна, до́цуш а́ла
Дош а хьоьга, ахь дӏаэцна са.

Чингӏазӏ Чингӏазӏ Хӏай са^н ирсан Аьзни!
Хьо хилла-кха хийла лехнарг ас.
Хьа^н хазалла су́на му́ха кхаьчна,
Сатийсинарг шега хийла да́с?

Хьа^н-м ца хилла олхазара^н тӏе́маш,
Лаьттахь йе́хаш су́на хьо ма ги^н.
Амма бакъди ахь са^н ирса^н гӏе́наш,
Хьа^н безам бу велларг денво хи.

Хьо йе́хийла кху дуьненахь гӏоза,
Сай^н туьйранех ахь тешийна со.
Хӏуттур варий-техьа ӏаьржа-Хожа,
Ницкъах тешна, соьца къовса хьо!

Мамакаев Мохьмад дагало́цуш

Лазаме ду су́на хьа^н кхалхар, Мохьмад,
Хьа^н кошехь тер а.
Дӏае́ца, да́цахь а хьа^н санна похӏма,
Са^н дега^н делхар.
Дӏае́ца ирсечу да́хара^н де́лар,
Са^н де́га^н къурдаш.
Кхуьуш бу, вай^н латта кхидӏа де́лон,
Даймехка^н мурдаш.
Со цхьаъ вац о́луш верг вай^н нохчий^н маттахь
Да́харан илли.
Кхидӏа а хазделла Нохчийчохь латта,
Ирс доккха хилла.
Со́барех, стогаллех ца бовла Ӏе́маш,
Кӏентий бу хьу́на.
Хьа^н иллеш, лаьмнашкахь даржийна тӏемаш,
Декаш ду хьу́на.
Хьо ве́хаш ву хьу́на массо а йуьртахь,
Массо а кхерчахь.
Къонахчун некъ ха́до дац лаьттахь чурташ,
За́ма мел керчарх.
Дӏае́ца са^н деган къурдашца даьлла,
Безаман илли.
Ахь ӏамош поэзии новкъа со ваьлла,
Хьо паргӏат ӏилла.

* * *

Гӏалехначу лай тӏе ӏена гинсу,
Буьйса йуьйлу бетта^н багара.
Мичхьа ӏа хьо, де́да ваьхна ирзу,
Мукъам белхош попан, баганан?

Мичхьа ӏа хьо, хьай^н да́ велла диснарг? —
И цхьа хаттар, хилла йилбазмохь,
Доьлху, даьржа, кхетий анайистах,
Доьлху, даьржа, доькъуш дилха дог.

Мохо лоькхуш не́ха^н синойн саьлнаш,
Хьо дӏадайна хир-кха тӏепаза,
Догӏа санна, доьлхуш лекха лаьмнаш,
За́ма йаьлча не́ха^н цӏе ганза.

Хе́но ловзош хьанний^н хотий^н кийрахь,
Хьо дӏадайна хир-кха, бо хилла,
Алмаз санна боьлхуш мокха кхийра,
Гича урдаш къухо хьулдина.

Дола доцчу нахарх йоьлча мекха,
Хьо дӏадайна хир-кха, йар хилла,
Кӏордадина ларда^н къора некъаш.
Мапхе, лаьтте гӏайгӏа йалхийна.

Мичхьа ӏа хьо? — И цхьа хаттар ду са^н
Да́ла хӏокху дикчу бӏешере.
Мичхьа дай хьо? — И цхьа лазам бу са^н
Йелхо, беко иллехь, э́шарехь.