йа́лийтира, Ахьмадана шена а ца хаьара. Мухха а делахь а, цо неӏ дӏа-йиллина — дуьне серладоккхуш, чӏо́гӏа исбаьхьа а, хаза а нур а́ракхетта цу чуьра. Цу чохь Ахьмадна гина паччахьа^н дуьненахь уггаре а хазачу йоьӏа^н дашо сурт. Цуьна^н хазаллина а, хазачу нуьрана а Ахьмад чӏо́гӏа цец а ваьлла, кхера а велла. Цо сихха неӏ дӏа а чӏагӏйина, до́гӏа дӏатоьхна.

Ахьмада сихха неӏ дӏачӏагӏйина, до́гӏа тоьхнехь а, ӏаьржачу э́лана хиъна, цо неӏ дӏайиллиний а, цо и йуха дӏачӏаьгӏний а, хӏунда аьлча, Ахьмада неӏ дӏайиллинчу хе́нахь, цу чуьрчу паччахьа^н йоьӏа^н дашо суьрта^н нур цӏа чуьра а́ракхетта. Цул тӏаьхьа дукха ца ӏийна ӏаьржа э́ла тойнехь, сихонца цӏа веана иза.

Ша́ цӏа веанчул тӏаьхьа, хьем ца бина цо Ахьмадна таӏзар да^н, цхьана а адамана ца хоуьйтуш, шешан бешарчу гӏу чу кхоьссина цо Ахьмад. Ур-атталла Хьасанна а ца хиъна, Ахьмад стенга вахана. Хьасана э́ле хаьттина:

— Да́да! Ахьмад стенга вахана? — аьлла. ӏаьржачу э́ло доцца аьлла:

— Ца хаьа су́на, Ахьмад стенга вахана.

2

Цул тӏаьхьа ши-кхо де а даьлла, Хьасанна Ахьмад Стенга вахана ца хууш. Цкъа бешахула са а гатталуш, Ахьмада^н хьокъехь ойла а йеш, волавелла лелаш хилла Хьасан. Гӏу йуххехула тӏехволуш сецча, цунна хетта, цу чохь цхьа адамо узар деш санна. Гӏу йисте а вахана, цу чу хьаьжча, цу чохь цунна гина, тӏулгаш тӏе охьа а хиъна, воьлхуш ӏаш, мацалла а, милла а валла воллуш, чӏо́гӏа гӏелвелла а, беса а шен ваша Ахьмад. Иза воьлхуш хилла, гӏара ца волуш, меллаша.

— Ахьмад, хьо гӏу чу муха воьжна? Хӏара хӏун ду? — хаьттина вашас.

Ахьмада аьлла:

— Хьасан, со гӏу чу вожа ца воьжна, эло кхоьссина. Элана хаале, дӏавала кхузара, ахьа сан терго йо, аьлла, хьо а хӏаллаквийр ву цо.

— Со кхузара дӏавер вац, хьо гӏу чуьра хьала ваьккхиний бен. Ахьа собар делахь, Ахьмад, аса муш бахьар бу, — аьлла, ваханчу Хьасана муш беъна. Муш гӏу чу а кховдош, цо аьлла:

— Ахьмад, дӏалаца муш, хьалавала сихха.

— Хьасан, со кхоьру элах, ма ваккха со хьала, цо ший а вуьйр ву вайша. Хьо висар а йара- кх гӏоле.

— Вехь, ший а вуьйр ву цо, ца вехь, ший а дийна вуьсур ву, хьалавала хьо, — аьлла, Ахьмад гӏу чуьра схьа а ваьккхина, аддамана хуу доцчу меттехь, бешахь, цунна меттиг а кечйина, къайллах цунна дуург-мерг а латтош, кхобуш хилла Хьасана шен ваша. Иштта масех шо дӏадаьлла.