Хье́къалан тӏай

— Тхо паччахьа^на тӏе до́гӏуш ду! — жоп делла бе́рий^н буьйранчас. Кха́рах лаьцна паччахье хаийтина на́ха.

— Схьабахкийта, новкъарло ца йеш, — аьлла паччахьо.

— Аша лелорг хӏу^н ду, жӏаьлеш дойъуш? — хаьттина цо бе́ре́шка.

— Сийсара, ворхӏ лам а битина, бархӏалгӏачу лам тӏехьахь, жа йуккъе борз иккхина, жа хӏаллакдеш, аса кхойкхуш мохь беттарх, царех цхьаммо а «гӏалх» ца э́лира, — жоп делла кӏанта.

— Ой, ворхӏ лам а битина, бархӏалгӏачу лам тӏехьа́ра хьа^н жа дойъуш, кхузарчу жӏаьлешна мичара хезар дара? — цецваьлла паччахь.

—Тхан паччахьа^н хӏорда бухара айгӏар терсича, ворхӏ лам а битина, бархӏалгӏачу ло́марчу хьа^н кхе́лашна а хезне́рий и? — жоп делла кӏанта.

— Хьо ву су́на тӏе ваийтинарг, а́са маж а йо́луш, воккха стаг ваийта ма аьлле́ра?

— Маж-м хӏокхуьна^н а йу, — о́луш, бож хьалха кхоьссина кӏанта паччахьана. — Делахь а маж хиларх ца тоьа, Хье́къал ца хилча.

Цецваьлла паччахь хаттарш да^н волавелла, хӏара зуьйш.

— Гӏаш а, говраца а, стиглахь а, лаьттахь а во́цуш, чохь а, а́рахь а во́цуш, стаг ваийта ма аьлле́ра аса. И мичахь ву?

Схьалаьцна вир-бӏарз неӏара^н сагӏе йуккъе хӏоттийна кӏанта, ши ког а́рахь а бо́луш, шиъ чохь а бо́луш. Тӏаккха ша́ тӏехиъна цунна, цӏоганехьа а вирзина.

— Гӏаш а вуй со, говраца а вуй со, стиглахь а вуй со, лаьттахь а вуй со? Чохь а вуй со, а́рахь а вуй со? — аьлла, хаьттина цо.

Шен толамах дог диллинчу паччахьо деши^н боги чохь седанал а хьаьъна хи хӏоттийна шена улло́хь. Ткъа кӏанта цу боги чу чӏешалг кхоьссина.

— И мукъана хӏу^н дара хьа^н? — хаьттина паччахьо.

— Бога дешиниг хӏоттор — дешел а чӏо́гӏа на́ха хьай^н сий до, бо́хург дара хьа^н. Цу чуьра сирла хи — хьай^н хье́къал дукха ду, бо́хург дара хьа^н. Ас чӏешалг тасар — оццул хьу́на кӏорга хетачу хьа^н хье́къална тӏай тиллина, са^н хье́къал дехьа да́лалур ду, бо́хург дара.

Да^н амал а до́цуш, къе́ра хилла паччахь.