Чӏегӏардиган тӏемаца ирс

— Хӏу^н ирс? – ца кхийтира иза.

— Ахьа элир-кх, Чӏе́гӏардигаш ирс дохьуш кхаьчна вайга, — дагадаийтира а́са на́нна ше́н дешнаш.

— Ирс а Да́ла доьгӏнарг хир ду-кх! – гӏайгӏане жоп де́лира цо сунна.

Суьйрана хьовсур вай кхи^н а. Буьйса йаккха а доьрзур дац техьа уьш цӏа, — тӏетуьйхира на́нас.

Хӏинццалца не́нах лечкъий, водий ловза воь́душ хуьлуш волу со, а висира тахана суьйрана чохь ӏен. Кегийрнаш-м уьйтӏахь цхьацца ловзарш лелош бара. Амма суьйре тӏегӏоьртича, кегийрнаш а гӏовгӏа ца йойтуш, дӏатебира тха^н на́нас. Кегийрнаш дӏабийшича а дикка ӏийра со рагӏу кӏелара токачиркх дӏа а байъина, чӏе́гӏардигийн бен болчу вогӏавелла. Амма чӏе́гӏардигаш ца даьхкира шай^н бенна улло́, иза тобиний ца хуучух тера дара царна. «Вайна ирс дохьуш кхаьчна уьш!» — не́на^н аз дара са^н лергашна хьалха хийзаш, сунна набкхе́таш а.

ӏуьйрана ишко́ле вагӏа^н со самаваьккхича, на́на самукъадаьлла йекхна йара. Со кхийтира, тха^н чӏе́гӏардигаш цӏадаьхкина! Со сихонца хьаьжира рагӏу́нкӏела, амма со гӏалатваьллера. Цигахь сунна ца гира тхай^н чӏе́гӏардигаш. Селхана хилла догдохар керладе́лира са^н хӏинца а. Со вухавирзича тӏехьа лаьтташ йара Зийна. Цо хӏиллане а хуьлуш пӏелг хьажийра чӏе́гӏардигийн бене. Бӏаьргаш чу буйнаш хьовзийна, со кхи^н цкъа а хьаьжира бен болчу а́гӏора. Хӏинца-м со а къежира хазахетарца. Бен чохь дӏатарделла, деккъа цӏена шалха дуткъа де́ха цӏоганаш бен гуш кхи^н хӏума до́цуш, ӏаш тха^н чӏе́гӏардигаш дара. Буьйсана сахиллалц цхьанхьа даьлла лелла кӏадделла хир дара и ши миска. Амма кестта дийкира цаьршинна^н самукъане, зевне аьзнаш, тха^н уьйтӏе цхьа ша́-тайпа серлайоккхуш. Уьш-м хьалха санна ийза ца луш мелла а паргӏата лелара тху́на улло́хула хӏаваехула. Чӏе́гӏардигаш кхеттачух тера дара, шаьш адмашна деина ирс адмаша шайца хӏинца декънийла. Мел самукъадо́лура са^н кегийрчу вежарий^н Рамзана^н, Ражапа^н, халла когавахан гӏертачу Ризвана^н а, чӏе́гӏардигаш, шайх ца озалуш, маса улло́хула тӏехъиккхича. Тха^н на́на Зийна а хуьлура ше́н кӏенташка санна, безамца хьоьжуш чӏе́гӏардигийн