Шарип Цуруев - байташ

Ответ не найду на вопрос...

Ца хаьа, су́на ца хаьа,
Со хӏокху дуьнен чу во́гӏуш,
Хӏу^н дара дуьнен чохь до́луш,
Хӏу^н ду ас деанарг сайца.

Тхан йуьрта йистера таьллаш,
Кертара сийна бай, татол,
Су́на мел девзина адамаш —
Ванах, и дерриге дарий-те́?

Пхийттара ва́лале су́на
Йезна тхан школера йоӏ а,
Цуьна^н и шатайпа йелар —
Гӏан-м ца хилла-те́ иза?

Са^н на́на, со цунах хьерчар,
Са^н да́да, цо наггахь хьастар…
Эзар шо хир ду-кха даьлла,
Йа иза хила а хиллий-те́?

Эскарехь, дешар тӏехь, балхахь…
Да́хар ду о́лучу дашо
Чуло́цуш мел до́лу суьрташ…
Ванах, уьш баккъал а дарий-те́?

И мотта делла-те́ су́на?
Хӏу^н ду ас кхоьллинарг сайна?
Хӏу^н дара до́луш дерг ша-ша?
Мичахь ду уьш къасто доза?

Ца хаьа су́на, ца хаьа…
Бакъду, кхи^н цхьа хӏума-м хаьа,
И су́на девзинарш, гинарш —
Адамаш, гергарнаш, йезар,

Тха^н йуьрта йистера таьллаш,
Кертара сийна бай, татол...
Сол тӏаьхьа цхьанна а гур дац,
Сол тӏаьхьа кхи^н цкъа́ а хир дац.
Со велча, уьш соьца дӏадевр ду,