Ас хӀинца ца олу... . Дакаев Саӏидбек

АС ХӀИНЦА ЦА О́ЛУ...

Ас хӀинца къехкайо
Безамах йуьйцина байташ. –
Бӏаьстенан зе́загаш
Ца довлу шийлачу лай тӀехь.
Дагах чекхтийсалуш,
КӀур бина лай^н ченаш хьоькхуш,
Ӏуьйрено са^н лерехь
Сагатдеш, шийла мох лоькху.

Ас хӀинца цхьаьнгга а
«Хьо йезайелла» – ца о́лу;
Кхерачу безамна
Петухий, со ге́наво́лу.
Уойлано шеконийн
Дахкарлахь цадевзарш оьхьуш,
Къайленга левчкъина,
Гуш йо́цу кха́ненаш оьхьу…

Ге́на йукъ йиллинчу
Сай^н некъан йо́занаш доьшуш,
Уойланий^н биллинчу
БӀаьргашца со йухахьоьжу.
Сай^н шуьнехь чам тайна,
Мел до́гӏу вон-дика муьйлуш,
Сайца йорт йиттинчу
Да́харна дохко ца вуьйлу…