Оццул аьзнаш...

Оццул аьзнаш долчу маттахь
дешнаш леха дезча,
су́на, со мотт ӏамо гӏерташ воцийла, хаьа,
со,
нохчий^н мотт,
хьо дагабаийта гӏерта.
Оццул ба́ланаш лайна са^н къам!
Дуьнено,
ша́ довза гӏерташ,
ше́н букъ тӏехь
бӏешерех хилла шеддаш-баьрзнаш охкуш-зуьйш,
со
цу суьрте́ хьоьжу,
шерет хиллачу ден ба́хаме санна.
Кху дуьненан су́на цатоьънарг цхьаъ ду —
дуьххьарлерчу пайхамаран доӏа-весет.
Кху дуьненна ас гечдийр до́цуш а цхьаъ ду —
и доӏа-весет сайх хьулдар.

Абдулаев Леча 1998 шо