Адам Ахматукаев - байташ

Са^н гӏений^н дастаза маьӏна

Бе́ралли^н шерашна аьхна
Хиллачу туьйранех йуьйлуш,
Цхьа Дажал вуссур ву баьхна
За́ма са^н гӏе́наш чу йуьйлу.

Вайна цо кечбина бохам
Кхаж бу те́ йилбазий^н баьлла?! —
Синошна и да́латохар
Хӏинцале бале ма даьлла.

Са кӏезги хиларна до́цуш,
Са хьаьшна хиларна дуй и-м.
Бакъ-харцций цецах чекх ло́цуш,
У́зуш дац йа дош, йа дуй а.

Мозгӏарна вайгахь га^н тайннарг
Аллахӏа^н цӏарах а баьрчче
Да́ккхалуш хилар а вайна
Хезна а, гина а даьлча,

Вай хӏунда сихло теша
Цӏуьхӏарий^н суьпачу кхаьънех?
Цунде́ла дазлуш ду теша
Са^н гӏений^н дастаза маьӏна?