Кха́чалуш йу

Йе́ха йоьлхуш, къила йахча санна,
Йочана хьа^н тхов тӏебожо хьаьхна.
Не́ха^н бе́р – хьа^н цхьалла йекъа – цӏарна
Буьйса йаккха до́гӀур дара, дехча.

Ладарх йуьзна, тӏехъоьхур йу пхье́гӏа,
Cа́гӏин кад а хьу́на чукховдор бу.
Амма гӏайгӏа, кху тхов кӏелахь йе́харг,
Цу хьа^н кийрахь дӏахьулйелла къорра.

Маржа, хьо а, цуьнан лорах йахна,
Кха́чалуш йу, кӏожам санна, хебаш…
Харц дуьненах ӏехавелла, вахна
Кӏант а хир ву-кх цхьанхьа, аьхна лелаш.