Эла Тепсаркъий, Жоьра-Бабин Жонсаркъий

Жоьра-Баби^н Жонсаркъина йуххе охьа а хиъна, сов дукха йелхарна, ший бӏаьрг а баьлла, йисина йоӏ а, цуьна^н балина сов дукха йелхарна, йоьӏа^н говр а.

Цу хе́нахь, мичара до́лу ца хууш, йоьӏан куча-кара «зов» аьлла, чудоьжна цхьа кӏай^н ши шай. Иза ше́н кучара охьаэга доьлла ахча ду моьттуш:

— Да ватӏа хьа^н, кучара ахча охьаэга а доьлла-кх са^н, — аьлла, куьг хьаькхина, схьа а эцна, иза буйна а доьллина, охьахиъна йоӏ.

Цхьа́ хан йаьллачу хе́нахь ше́н бӏаьргех хьаькхна цо куьйгаш, ши шай буйнахь а до́луш.

Тӏаккха бӏаьргаш шаьш ма дарра хилла.

Хьала гӏаьттина, тӏейахана Жоьра-Баби^н Жонсаркъина а хьаькхна цо кӏай^н ши шай.

— Ма дукха ӏиллина со вижина, — аьлла, ирахӏоьттина Жоьра-Баби^н Жонсаркъа.

Тӏаккха шина а говра^н бӏаьргех а хьаькхна ца́ра кӏай^н ши шай — уьш а, бӏаьргаш то а белла, дӏахӏиттина.

Чӏо́гӏа даккхийдеш, мар-мара лилхина йоӏ а, Жоьра-Баби^н Жонсаркъа а. Йоӏ а эцна цӏа а вахана, цунах шена зуда а йина, ва́ха хиъна Жоьра-Баби^н Жонсаркъа. Хӏинца а де́хаш ду бо́ху кӏанттий, йоӏӏий, Жоьра-Бабий мерзачу безамца, бертахь.

Ма лолда вай, кӏентий, вовшех темаш ва байна!