* * *

За́ма! Ма сихйелла йоьду хьо
Ла ца ду́гӏуш са^н дехаре,
Са^н лозучу сил а хьалхайаьлла,
Са^н ӏийжачу дагна тӏоьхула йаьлла,
Ма сихйелла йоьду хьо,
Ма сихйелла йоьду хьо,
Хьайн тулгӏешлахь со
Ма йигахьа со а́найиста^н до́зане.

* * *

Хӏу^н дийр ду? Да́харан лай хилла
Деха вай хӏо́ра а,
Хӏаллакво-кх ӏе́дало дӏааьлча
Бакъ долу дош,
Цунде́ла ницкъ бо́цуш йисина-кх со,
Сай^н дагца къийса,
Ле́ча а хьожийца, кечделча ше́н тӏе́маш, стигла.
Оф-фай, ма гӏелйелла со,
Доттагӏа, цхьажимма ойлайеш,
Сацахьа соьца.
…Да́харо техкадо кху хе́на^н Ширделла а́га,
Харцоно гӏелбина бо́дане ше́н гаьнгали.

* * *

Тоийта!
Ма де и кӏезга къамйелаш:
Дӏо дехьа – йалсаманехь беха нах,
Дӏо цигахь – ма луъу ког хеца хьайна,
Нохчийчоь – дош дац и.

* * *

Тоийта!
Йахийта шай^н алаша цигахьа,
Йалсамани лаха, да́ха шу цигахь,
Сискало йина къонахий,
Барзакъо къа́гийна мехкарий,
Шай^н сина^н кӏезгалла бехке йен цулла.
Ма хьайе Нохчийчоь,
Цуьна^н кхи^н а кӏентий бу
Цунна тӏехӏитта…

* * *

Гӏаргӏулеш дӏайоьлхуш
Цаьрца са^н са а дилхина,
Амма уьш цӏайо́гӏуш
Со цаьрца йела-м ца кхиина…

* * *

Дохк хьерча са^н бӏаьргех,
Кӏай^н марчо ва хилла,
Са^н гуьйре, хьоьга-м ца байбели
Тахна са^н ба́ла,
Дерз лета са^н да́гах.

* * *

Эхӏ, Дуьне! Хьо тӏа́рал гатдина су́на,
Хӏоттабеш бӏаьргаш чу бо́да,
Хӏара да́хар иккхира йо́гучу цӏерга,
Стигланаш хӏитайеш гора.

* * *

Дӏа ладоьгӏча хӏара дуьне гатлуш
Ду-кха тӏаьхь-тӏаьхьа,
Тха^н дех дисна коввий, керттий са^нна…

* * *

Кху дуьненчохь дика мел де́ха,
Кха́чалур йац вонан мекха…

* * *

Ас лазам а́лий хьох, Да́хар?
Оьгӏазло-м йийр йац ахь су́на?
Ас ӏийжам а́лий хьох, Да́хар?
Дог до́гу. Ницкъ лохьа су́на.
Ас Туьйра а́лий хьох, Да́хар?
Сийначу геналлехь дӏадай са^н туьйра.
Хазалла а́лий хьох Да́хар?
Ахь кӏиллой бийр ба́ций де́къал?
…Хӏу^н а́ла ас хьох, хӏу^н а́ла?
Сел мерза, сел къаьхьа туьйра.