42-гӏа хьадис. Доллучуна ницкъ кхочуш, Сийлахь-Воккхачу Аллахӏан гечдаран доккхалла

عَنْ أَنَسِ بْنِ مَالِكٍ رَضِيَ اللهُ عَنْهُ قَالَ: سَمِعْت رَسُولَ اللَّهِ صلى الله عليه و سلم يَقُولُ: قَالَ اللَّهُ تَعَالَى: "يَا ابْنَ آدَمَ! إِنَّكَ مَا دَعَوْتنِي وَرَجَوْتنِي غَفَرْتُ لَك عَلَى مَا كَانَ مِنْك وَلَا أُبَالِي، يَا ابْنَ آدَمَ! لَوْ بَلَغَتْ ذُنُوبُك عَنَانَ السَّمَاءِ ثُمَّ اسْتَغْفَرْتنِي غَفَرْتُ لَك، يَا ابْنَ آدَمَ! إنَّك لَوْ أتَيْتنِي بِقُرَابِ الْأَرْضِ خَطَايَا ثُمَّ لَقِيتنِي لَا تُشْرِكُ بِي شَيْئًا لَأَتَيْتُك بِقُرَابِهَا مَغْفِرَةً" . رَوَاهُ التِّرْمِذِيُّ [رقم: 3540]، وَقَالَ: حَدِيثٌ حَسَنٌ صَحِيحٌ.

Анаса (Аллахӏ реза хуьлда цунна) дийцина, Аллахӏан элчано (Аллахӏера къинхетам а, маршо а хуьлда цунна) олуш хезна шена аьлла:

«Веза-Сийлахьчу Аллахӏа аьлла: «Хӏай, Адаман кӏант! Боккъалаъ, Аса гечдийр ду хьуна, ахьа хьерчийначу къинойн (дукхаллин) тидамаза - хьо Соьга кхойкхуш мел ву, Соьга сатуьйсуш мел ву. Хӏай, Адаман кӏант! Хьан къинош кхачахь (шайн дукхаллина) стигалан мархашка - тӏаккха а, ахьа Соьга гечдар дехахь, Аса гечдийр ма ду хьуна. Хӏай, Адаман кӏант! Нагахь хьо Суна дуьхьал вагӏахь, ша дерриге латта дуьзина къинош а дохьуш, амма хьо Суна дуьхьал кхетахь, Соьца накъост нисйина цхьа а хӏума а йоцуш, - Аса, хьуна билггал гечдар лур ма ду, и дерриге къинош дӏахьулдеш долу»».