Са^н ваша...

***
Б.М.

Са^н ваша, дуьне доькъуш,
Вай цӏе́ра девлла хилла.
Ла́маз деш санна доькхуш,
Вай веша^н некъах тилла
Некъ лоьху, хьакъ схьадоь́ху.

Дуьнено лерг ца ухьу:
Вай тӏаьхьадисна, бо́ху.
Ца дуьйцу — маца, му́ха
Тилла и вайна до́гӀург
Кху хе́нах, кху дуьненах.

Малхба́ле йа Малхбузе
Ве́рас йа^н мила гӏерта.
БІаьрг белха йа бӏаьрг буза
Хӏу^н ду вай леха, хетта
Цигахь — йа игӏахь, йа мигӏахь.

Э́харте́ луьйта ло́цуш,
Маса да́ вайна вели,
Те́зетахь ӏен да́ во́цуш,
Йукъархо хуьлий Де́лан,
Шех тилахь, деш вай къилахь.

Вай Да́лла дуьллу има*
Кӏезга ду, царна гергахь.
Йа ца́ра боххург дер ахь,
Йа динехь дац хьа^н ӏилма —
Хьа^н са́гӏа, ла́маз, марха.

Дуьненан а ву ше́н ве́рас,
Дуьне вай^н «декъалдина», —
Совет-цавет импереш.
Вай девлла, ца́ра дийна,*
Ца хилла, уьш ца хиллехь.

А́кха вай — цӏийнах дина,
Бо́данах даьхна серла.
Да́ха вай къо́балдина,
Шайниг бен, бо́цуш кхерам,
Ткъа шайх тилахь,
деш вай къилахь.

Бух бо́цуш вуьйлий баьрче
Иза йа важа вайна?
Хӏу санна хохий^н ӏаьрчех
Дужу, дӏабаьржаш шайна, —
«дІабийнарш» це́ра^н тӏебийлла.

Цаэшнарг царна а́рахь,
Вай^н хийра хилла во́гӏу.
Махьарх* верг вай^н цӏахь валахь,
Вай сихло кӏарлагӏа йогӏа,
ЦІе кхолла, и дийна дӏаволла.

Хӏетте а йесаллин бен
Дац царна «доькъуш кхаьчнарг».
Латта къе мел дели бен,
Хе́нан церг-кхе́ла ца хаьрца.
Вай ойла
цу хе́нах йойла.

Хьешах бен баьрче ца доь́хуш
Хье́къал а, хье́къала^н да́ а,
Гуттар а а́ра лерг доьгӏу.
Чекхдаьлла хӏа́ра деса да́хар, —
Цхьа за́ма хир йай вай^н за́ма-м!

Вай ойла цу за́манах йойла,
Вай^н не́на^н маттахь и йойла.
Таррашца
даккхацаделларг,
Тӏулг буьллуш
доттацаделларг
ХІоттор ду, дина ша дашо,
Вай^н нохчий^н меттан цу дашо.

Абдулаев Леча 2002 шо

____
*Ийман
**Цхьамма дӏавийначохь ваьлла вац, о́луш ду нохчий^н.
***Де́х а, на́нах а цӏенна схьаваьлла.

[агӏо — 86-88]