35-гӏа хьадис. Ислам-динехь вошалла а, бусулба нехан бакъонаш а

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللَّهِ صلى الله عليه و سلم " لَا تَحَاسَدُوا، وَلَا تَنَاجَشُوا، وَلَا تَبَاغَضُوا، وَلَا تَدَابَرُوا، وَلَا يَبِعْ بَعْضُكُمْ عَلَى بَيْعِ بَعْضٍ، وَكُونُوا عِبَادَ اللَّهِ إخْوَانًا، الْمُسْلِمُ أَخُو الْمُسْلِمِ، لَا يَظْلِمُهُ، وَلَا يَخْذُلُهُ، وَلَا يَكْذِبُهُ، وَلَا يَحْقِرُهُ، التَّقْوَى هَاهُنَا، وَيُشِيرُ إلَى صَدْرِهِ ثَلَاثَ مَرَّاتٍ، بِحَسْبِ امْرِئٍ مِنْ الشَّرِّ أَنْ يَحْقِرَ أَخَاهُ الْمُسْلِمَ، كُلُّ الْمُسْلِمِ عَلَى الْمُسْلِمِ حَرَامٌ: دَمُهُ وَمَالُهُ وَعِرْضُهُ" . [رَوَاهُ مُسْلِمٌ].

Абу Хӏурайрас (Аллахӏ реза хуьлда цунна) аьлла, (цкъа) Аллахӏан элчано (Аллахӏера къинхетам а, маршо а хуьлда цунна) элира аьлла:

«Вовшашца хьаьгӏнаш ма леца. Мах барехь вовшийн ле ма де. Вовшашна оьгӏазъэхар дита. Вовшашна баккъаш ма детта. Вовшийн мах ма бохабе (юкъа а эккхий, хӏума ма эца). Хӏай, Аллахӏан лайш! Вежарий хила шу. Бусалба стаг - бусалба стеган ваша ву: цо (бусалба нахах цхьаммо) вукхунна (бусалба стагана) гӏело ян йиш яц, цуьнах ца ваша йиш яц, иза гӏо доцуш вита йиш а яц. Ткъа Делах кхерар кхузахь ду» – пайхамара (Аллахӏера къинхетам а, маршо а хуьлда цунна) кхузза (шен куьйга) шен накха гайтира. (Цул тӏаьхьа элира цо): «Стаг вон хила (кхин хӏумма а ца оьшуш) тоам болуш ду - иза шен бусалба вешех цавашар. Хӏора бусалба стагана бехке (хьарам хила дезаш ду) кхинволучу бусалба стеган дахар а, бахам а, сий а.»