Байнал-Бусани

— Схьавола шена тӏаьхьа.

Цхьана боьрахь йинчу хӏусаме а вигна, цуьна^н до́гӏа дӏа а даьккхи^на, цу чу хьаьжийтина кӏант. Цу цӏа чохь кӏару́ла-ӏаьржа жӏаьла хилла.

— И лаьттарг Буса́ни йу хьу́на, са^н зуда йу хӏара, на́хаца леларна, жӏаьли^н амате йирзина.

Со цуьна^н майра Байнал а ву хьу́на. Ткъа хьо хӏунда веана а хаьа су́на. Хьо са^н йоӏа, Байнал-Буса́ни бо́хург, хӏу^н ду хаахь, йо́гӏур йу ша, аьлла, дош а делла, веана. Хьох хӏинца сай^н нуц а вийр ву аса, са^н йоӏ а йа́лош, схьавола, кхузахь шуьшинна даллалц, ког йа куьг меттах а ца хьадеш, даххал ба́хам а бу са^н. Ахьа са^н бархӏ кӏант вийний а хаьа су́на.

Делахь а, оцу бархӏ кӏента^н, хьол толлал, ницкъ ца тоьъна, хьо нуц ца́рал тоьлаш хета су́на, — аьлла наьрт-орстхочо Байнала.

Цигара цӏа а вирзина, малх-бутт коьрта тӏехь къегаш болчу йоӏана тӏе ва́хана кӏант.

Уьйтӏахь шен хье́са^н чимчаргӏа а деш, ӏаш йолчу йоӏана тӏе а хӏоьттина, аьлла кӏанта:

— Йоӏ, соьга йолахьа.

— Йо́гӏур йу-кх, хьу́на Байнал-Буса́ни бо́хург, хӏу^н ду хаахь,— аьлла йоӏа. Кӏанта жоп делла:

— Буса́ни, на́хаца а лелла, жӏаьли^н куьце йирзина хьа^н на́на йу, ткъа Байнал хьа^н да́ ву, — аьлла.

Оцу сохьтехь цхьаццанхьа шага тӏулгаш а хилла ӏохку нах, ша баша а бешна, набарх бовлуш санна, сама а боьвлла, шаьш хӏу^н леладо а ца хууш, дӏасахьоьвдда, кӏелхьарабовла. Цу кӏанта шен йалх ваша а цӏа ва́лийна.

Шен йоӏ а эцна, наьрт-орстхо Байнал волчу а ва́хана, цигахь шен хазачу нускалца ва́ха хиина ворхӏ вешин жимах волу ваша, шен вежаршца цхьаьна.

Хӏо́р дийнахь диканиг тӏедо́гӏуш, вониг, го а тосий, дӏадоьдуш, бертахь бе́хаш бу уьш хӏинца а.

Гӏалди-булди царна, кӏай^н бож вайна.