СО-М ДӀАВОЬДУ, ВО́ЛИЙ...

Ге́на ара́во́луш,
«Марша гӏойла», – о́луш,
БӀаьргий^н шийла къежар,
ГӀийла тӀаьхьахьежар,
Дега^н кийра дулий,
Соьца новкъадо́лу…

Некъаш тегна ге́наш
Кхийзадаларх ге́на,
И хьа^н бӀаьрахьежар,
Дог ца до́гӏуш къежар,
Даго дуьхьал лоьцуш,
Уойланашца соьцу.

Сингаттамо Ӏуьйшуш,
Некъан болар луьйсуш,
Дега^н пенах тесна,
Хьо́ме́ амат эцна,
Синтем чо́мах бо́лий,
Со-м дӀавоьду, во́лий.

Уойла кхерсташ герга,
Хьа^н марзонийн цӀергахь,
Даккхий синош до́хуш,
Ваттавала, во́гуш,
Марша Ӏойла – о́лий.
Со-м дӀавоьду, во́лий.