Не́на^н мачий^н кӏа́жаш тӏе а хӏуьттуш…

Не́на^н мачий^н кӏа́жаш тӏе а хӏуьттуш,
Куьзганхьалха когабуьхьар хӏуьттуш,
Кепе дерза тохаделча болар,
Харц ма хуьлда, йоӏ, хьа^н хьайх бӏоболар.

И хьа^н болар чуьра а́радаьлча,
Ке́тӏа даьлла, хийистте а даьлча,
Хир ду иза хьу́на бӏаьсте йа́лар,
Кӏенташна а хир бу иза бала.

Хьо ке́тӏа́ра йолайелча дуьйна,
Цу хьа^н когийн татанел а тийна
Бӏаьргаш хир бу хьу́на тӏаьхьа тебаш,
Хьегам хир бу це́ра^н хьох, ца ӏебаш.

Ца́ра хьо дӏалоьлуьйтур йу моттахь,
Царех хьайна кхерам бац а моттахь,
Хьо къинтӏера йа хьо дохкойаккхал
Кхаъ бу хьу́на са^н а хьоьга баккха:

На́нас де́на бинабо́цучера^н
Къа лайначу бехказлонна къера,
Хьегна, лезна са^н а дог ду хьу́на,
Хьа^н некъ ла́ца со а кӏант ву хьу́на.