Цхьалла

Дош а лелла даьлла хӏинца хьа^н,
Хьалха санна, дегӏ а дац каде хьа^н.
Когаш тӏаьхьате́кхош, меллаша 
Хьо дӏашерша, ӏа́санна тӏетеӏаш.

Хьоьца дуьне диъна нийсарой
Хӏинца хьу́на йуххе хьийзаш бац-кха.
Уьш къизачу кхе́лой, кхолламой
Къастийна йа баьхна хьу́на нацкъар.

Кху дуьненах чекхваьллехь а хьо,
Да́ла бина бехаза къинхетам,
Хьа^н бе́ре́л а тӏаьхьа кхиъна чкъор
Хьа^н хе́нара дац хьа^н дагах кхе́та.

Хьу́на ге́нахула лела уьш,
Хьо тӏевеъча, йуху це́ра^н пхьоьха.
Амма дац и хьо дукха а луьйш-м, –
Къамел хаза лаар ду ахь лоьхург.

Амма йара за́ма а хьа^н кхи^н:
Синкъе́рамаш сахуьланга буьйлуш,
Ловзаршкахь а каде хьийзош дин,
Мехкарий а – хьо гӏе́наш чу вуьйлуш.

Ворхӏ йуьртахь а хьа́ша вара хьо,
Къонахашлахь – тхьамдалла хаош а.
Кӏарглуш ге́надаьлла хийла дов
Доьрзуш дара, йуккъе деъча дош хьа^н…

Дерриге а тӏаьхьадиси и,
Бисна бо́цуш цхьа а дагахьбаллам.
Мостагӏ хилла, дуьхьалдели кхи^н –
Шийла, къора, гӏо́ра доцу цхьалла.