4-гӏа хьадис. Адам кхолларан муьраш

عَنْ أَبِي عَبْدِ الرَّحْمَنِ عَبْدِ اللَّهِ بْنِ مَسْعُودٍ رَضِيَ اللهُ عَنْهُ قَالَ: حَدَّثَنَا رَسُولُ اللَّهِ صلى الله عليه و سلم -وَهُوَ الصَّادِقُ الْمَصْدُوقُ-: "إنَّ أَحَدَكُمْ يُجْمَعُ خَلْقُهُ فِي بَطْنِ أُمِّهِ أَرْبَعِينَ يَوْمًا نُطْفَةً، ثُمَّ يَكُونُ عَلَقَةً مِثْلَ ذَلِكَ، ثُمَّ يَكُونُ مُضْغَةً مِثْلَ ذَلِكَ، ثُمَّ يُرْسَلُ إلَيْهِ الْمَلَكُ فَيَنْفُخُ فِيهِ الرُّوحَ، وَيُؤْمَرُ بِأَرْبَعِ كَلِمَاتٍ: بِكَتْبِ رِزْقِهِ، وَأَجَلِهِ، وَعَمَلِهِ، وَشَقِيٍّ أَمْ سَعِيدٍ؛ فَوَاَللَّهِ الَّذِي لَا إلَهَ غَيْرُهُ إنَّ أَحَدَكُمْ لَيَعْمَلُ بِعَمَلِ أَهْلِ الْجَنَّةِ حَتَّى مَا يَكُونُ بَيْنَهُ وَبَيْنَهَا إلَّا ذِرَاعٌ فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ النَّارِ فَيَدْخُلُهَا. وَإِنَّ أَحَدَكُمْ لَيَعْمَلُ بِعَمَلِ أَهْلِ النَّارِ حَتَّى مَا يَكُونُ بَيْنَهُ وَبَيْنَهَا إلَّا ذِرَاعٌ فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ الْجَنَّةِ فَيَدْخُلُهَا". [رَوَاهُ الْبُخَارِيُّ] ، [وَمُسْلِمٌ] .

Масӏудан кӏанта ӏабдуллахӏа (Аллахӏ реза хуьлда цунна) аьлла, бакъ луьйш волчу а, тешам хила хьакъ волчу а Аллахӏан элчано (Аллахӏера къинхетам а, маршо а хуьлда цунна) дийцира аьлла:

«Боккъалаъ, шух хӏора а (цкъа хьалха) шен ненан кийрахь кепе валаво: шовзткъа дийнахь - тӏадаман куьцехь, тӏаккха оццул хенахь - цӏийн улхан куьцехь, тӏаккха кхин а оццул хенахь - дилханан кийсиган куьцехь. Цул тӏаьхьа Аллахӏа малик хьажадо, цо цунна чу са дуьллу. Цул тӏаьхьа цо цуьнга диъ (хӏума) дӏаязде (олий) омра до: шен рицкъа, шен хан, шен гӏуллакхаш, иштта ирсе хир ву я декъаза хир ву иза. Аса дуй буу Ша воцург кхин дела воцучух: боккъалаъ, шух муьлххачо а (ян тарлуш ду) ялсаманин охӏланан ӏамалш: ялсамане кхача ерриг (йиссинарг) цхьа дол юкъ бен а йоцуш, тӏаккха цунна яздина хилла йоза (кийрахь волуш) кхочуш хир ду - жоьжагӏатин охӏланан гӏуллакхашна тӏехьа а ваьзна, (жоьжагӏате) гӏур ву иза. Боккъалаъ, (иштта) шух муьлххачо а (ян тарлуш ду) жоьжагӏатин охӏланан ӏамалш: жоьжагӏате кхача ерриг (йиссинарг) цхьа дол юкъ бен а йоцуш, тӏаккха цунна яздина хилла йоза (кийрахь волуш) кхочуш хир ду - ялсаманин охӏланан гӏуллакхашна тӏаьхьа а ваьзна, (ялсамане) гӏур ву иза».