Эла Тепсаркъий, Жоьра-Бабин Жонсаркъий

Син метта кхетта, хьоьвзина говрара чувахана Хожа. Иза тӏехь хилла дин, шай^н ре́ми йукъа схьа а лаьллина, тӏера охьавоьссина, Хожин корта схьа а баьккхина, цунна тӏера йезда́ри^н коч-хеча а схьа а даьккхина, уьш ше́н таьлсаш чу а дехкина, э́ла Тепсаркъина тӏаьхьакхиина Жоьра-Бабин Жонсаркъа.

Новкъа схьаоьхуш, кхи^н а ге́на боьвлча, Жоьра-Баби^н Жонсаркъа волчу агӏорхьара тӏехьаьдда кӏора санна ӏаьржа цӏоькъа айгӏар. Хьожа йуккъе ше́дан кхаж тоьхна Жоьра- Баби^н Жонсаркъас йуха човхабешшехь, э́ла Тепсаркъина тӏе а хьаьдда, цунна тӏоьхула а кхоссабелла, хӏорда чу бахана и цӏоькъа ӏаьржа айгӏар.

Цхьа хан йаьллачу хе́нахь тӏаьхьаваьлла э́ла Тепсаркъиний, Жоьра-Бабин Жонсаркъиний Хожи^н шолгӏа ваша.

— Хӏа^н-хӏа, Жоьра-Баби^н Жонсаркъа, — хаьттина э́ла Тепсаркъас, — дӏо́ вайна тӏаьхьабо́гӏу ӏаьржа бода, хӏу^н бода бу-те́? Ма доккха хӏума ду иза!

— Иза-м хӏума да́цара, говрий^н да́́ ву иза, вайна тӏаьхьа во́гӏуш Э́ла Тепсаркъа, хьалхара ре́ма лоллур йу ахьа йа тӏаьхьара орца йухату́хур ду ахьа? — аьлла, хаьттина Жоьра-Баби^н Жонсаркъас.

— Аса хьалхара ре́ма лоллур йу, — аьлла, ре́ма а лаьллина, дӏаволавелла э́ла Тепсаркъа.

Тӏаккха Жоьра-Бабин Жонсаркъа, тӏамана кеч а велла, тӏаьхьасецна.

Герга гӏоьртина говрий^н да́, ӏаьржачу Хожин шолгӏа ваша.

— Хӏа^н-хӏа, Жоьра-Бабин Жонсаркъа, — аьлла цо, — хӏинццалц хьа^н да́с а хьийзийна тхо, хӏинца ахьа а ца дуьту тхо да́ха, тӏом болабе хьайна.

— Во ӏаьржа Хожа, дог де́ра а хьо ву, сина готта а хьо ву. Йуьгуш йолу ре́ма а хьа^н йу.

Вийна ӏуьллуш волу ваша а хьа^н ву, тӏом болабе ахьа, ӏаьржа-Хожа, — о́луш, жоп делла Жоьра-Бабин Жонсаркъас.

Жобра-Бабин Жонсаркъина, ӏад оьзна, пха тоьхна ӏаьржачу-Хожас. ӏад озошшехь, нуьйра чуьра хьалакхоссавелла, кхо-пхийтта аьрша ирхвахана Жоьра-Баби^н Жонсаркъа. Тӏакхкха ша йуха чувоггӏушехь, Хожи^н ӏода^н пха кӏелхула чекхба́лийтина. Ше́н нуьйра чу а нисвелла, тоьхна хӏокхо, ӏода^н пха, ӏаьржачу Хожи^н вешина. Син метта кхетта, хьоьвззина, говра тӏера чувахана Хожи^н