Хьекъал долу йоӏ а, кхелахо а

Хье́къал долу йоӏ а, кхе́лахо а

Цхьана йуьртахь ве́хаш вара миска стаг. Цуьна^н цӏийна^н на́на а, кӏант а кхелхина хилла.

Цу къехочун чӏо́гӏа тидаме а, гӏиллакхе а, къахьега хьуьнаре а, оьзда а йоӏ йара. Хӏусам а, керт-аре а, чуьра йийбар а, кога йу́хург-тӏейу́хург а, пхье́гӏаш а, массо а хӏума цӏена латтайора йоӏа. Чӏо́гӏа хье́къал долуш йара иза.

Мискачу стега^н ба́хам жима бара. Цуьна^н даьхни а, бажа а, ре́ма а, жа а да́цара. Бакъ ду, къехочун ворда а, цхьа говр а йара. Цхьана дийнахь ге́нарчу йуьрта ваха везаш гӏуллакх хилла цуьна^н. Иза шен цхъаъ бен йоцчу говрана нуьйр а тиллина, тӏе а хиъна, новкъа ве́лира. Иза гурахь дара. Къечу стага сарралц некъ бира. Маьркӏажа бода хӏоьттина хан йара. Къехо а, цуьна^н говр а ший кӏадделле́ра. Некъана нацӏкъар а йаькхкхина, ворда а сацийна, буьйса йаккха сецча, стаг гира цунна. Иза хилле́ра совде́гар. Мискачу стага, тӏе а вахана, салам делира. Иза йохка хӏумнаш йахьаш во́гӏуш хилле́ра. Цо мискачу стаге аьлла, а́рахь ӏарж а йелла, буьйса йаккха новкъахь сецна ша́. Къехо а ре́захилла, буьйса йоккхуш, цигахь саца. И шиъ, буьйсанна хан йаллалц, къамелаш деш а ӏийна, шайна хӏума а кхаьллина, дӏавижира. Мискачу стега^н кхе́л, совде́гара^н ворданна йуххе а йахана, дӏайижина хилле́ра. Оцу кхе́ло сахилале бекъа йина.

Миска стаг ӏуьйранна самаве́лира. Цунна гира шен кхе́ло йина жима бекъа. Хазахеттачу къехочо, совде́гар сама а ваькхкхина, цунна бекъа дӏа а гойтуш, э́лира:

— Хьажахьа, са^н кхе́ло сийсара бекъа йина!

Совде́гара, шен йуьхьа тӏе куьг а хьокхуш, мекх схьа а ло́цуш, мискачу стаге аьлла:

— И бекъа кхе́ло йина моьта хьу́на?!

— Ткъа стен йина и?

Ца ве́шаш вела а къежна, совде́гаро жоп делла:

— Иэшахь, ас дуй а буур бу хьу́на, и бекъа кхе́ло ца йина, са^н вордано йина, аьлла.

Къоьвсира цу шимма. Совде́гар къарвала туьгуш ца хилла.

— Вордано йеш хуьлу бекъа?! — аьлла, миска стаг цецваьлча, совде́гаро, шек в во́цуш, хӏумма а бехк а ца хеташ, э́лира: