Ребаӏат. Бакъ дийцар

воьттина а, дегӏехь ницкъа хаалуш а вара. Буста́маш долу ше́н баьццарчу басахь гӏовтална йукъаха дато доьхка достуш, доьхканах йаьккхина датоца кхелина ше́н шаьлта схьакховдийра майрачо Ребаӏатига.

- Хезий хьу́на? Хӏа^н, и шаьлта жимма ира йел! – аьлла.

Мел хаза хийтира Ребаӏатина шега и Зойрбекас аьлча! Ков, кертахь ша́ да^н ле́рина гӏуллакхаш а дитина, сихонца майрчун карара схьаийцира цо малхехь лепаш йолу шаьлта. Шаьлта ше́н кара ецча дог тоха-м делира хӏокхуьна^н, масана хуьлу и, шаьлтанца къастада^н дезаш дерг.

- Дика ду. Аса хӏинцца дийр ду ахьа бо́хург! Кхи^н хӏумма а дуй, сиха да^н дезаш? – хаьттира Ребаӏатас.

- Дац кхи^н сиха хӏумма а. Шаьлта ира хилан йеза, говра сиха а хила йеза, - бегаш бира Зойрбекас, нускална вела а кхежаш.

Кхи^н хӏу^н совгӏат оьшура жимчу нускална! Малх шена белакъежича санна-м хетаделира хӏокхунна. Делахь а, Зойбрек лохо динчу поппарца хьаькхина, шурула кӏай^н кирийца къагадинчу цӏено чу вахача, ше́н буйнарчу шаьлтане хьаьжича, цӏаьххьана кхераман сурт дуьхьала тесира жимчу зудчуна: «Хӏунда шаьлта! Хӏунда ирайойту шаьлта!». «Шаьлта ира хилан йеза, говра – сиха» - ше́н майрачун кица дага а деъна,  сапаргӏат йе́лира и. «Шаьлта-м со му́ха зуда йу хьаьжа, туса, аьлла а хила тарлора. Аса-м сайна хаарш гайта деза» - ше́н ойла паргӏатенчу тӏегӏана тӏе йаьккхира хӏокхо.

Шаьлта ира йа^н похӏма оцу хе́нахь баьхначу нохчий^н зудабе́рашна, жима долуш дуьйна ӏамош дара. Хӏокху за́манахь та́машена хеташ делахь а, и хьуьнарш зудабе́рий^н, зударий^н хила дезаш дара. Хеташ хира ду хӏинцале́рачу зудабе́рашна, и иштта и шаьлта ирйар атта болх бу: ецца шаьлтана аьлха тӏехула хьаькхича долуш ду. Боккху гӏирс оьшуш бара оцу гӏуллакхана: тайп-тайпана хуьлура аьлханаш, хӏо́ра хӏусамехь ше́н-ше́н аьлханаш, тӏаьрсика^н доьхканаш. Амма уггаре коьртинаг – и ира шаьлта! Ткъа ира маца ло́рура шаьлта – шаьлтана литтана тӏе а диллина жима йовлакх мох ло́цуш ластийча, йовлакх хадийча! Хьалха за́маначохь, адамаш зоьртала долучу хе́нахь и йовлакх-м мохехь ластийначу шаьлтано ши ах а доккхура!
Дикка къахьийгира Ребаӏатас шаьлта ирйеш. Ала^н деза, шаьлта иштта а йа́цара аьрта, цунде́ла жимчу зудчуьна алсама къахьега дийзира, ше́н