Ребаӏат. Бакъ дийцар

- Шеше́н бандита! Ест! Виходи! – аз хезина самаиккхира Ребаӏат ша́ йоллучохь кхерайелла цӏогӏа о́лучура, ше́н батт ша́ ӏаьвдина, соцунгӏа а хуьлуш.

Хе́хойх казахий^н къо́мах цхьаъ хилле́ра и, ша́ кхоьруш хилар ца гайта гӏерташ, шена гонаха «дов» деш. Амма Ребаӏатана-м хӏинца ша́ гучуйаьлла йаьлла аьлла тарделле́ра. И ша́ бе́рза кӏеза санна хебине́ра, ше́н киснахь долу жима урс кеч а деш, дуьхьало йа^н, оьшуш хилахь.

Цӏе́ра а́ра а даьхна, хӏокху хийрачу махка схьа да́лийча, дуьххьара денца дуьйна нохчий^н къо́мо ловш йара ше́ло́, кхерам! Хӏокху массо а къаьмнашна паргӏата, ма́шарен ӏен, да́ха кхоьллина да́хар, нохчий^н къо́мана къеделла, дуьнена жоьжгӏат хилла дӏахӏоьттине́ра хӏара дуьне. Хӏокхеран метта, хӏокхеран махкахь, хӏокхеран кертахь, хӏокхеран да́й^н кхерчахь йовхонан карахь бе́хаш, де́баш, ирсан карахь хӏокхеран селханле́ра лу́лахой бара! Ребаӏат а, хӏара санна хӏокхуьна^н къам мацала, цамгарий^н карахь леш бара. Леш! Каш да́ккха^н гӏорийначу хийрачу латто бакъо а ца луш.

Ребаӏат ше́ло́нца къуьйсуш, чимхалг ӏуьттуш жимачу ӏуьргах кӏа охьаоьхийтуш  йоллура. Казахий^н хе́хой а бара ше́ло́нца къуьйсуш, шай^н йовхачу кетарех а хьерчаш. Ребаӏати^н, хехошца, ше́ло́нца болу къиза къийсам сатосу седано къастийра – хе́хой къарбелира, йовхачу чу бахара. Ребаӏати^н йовха чохь ӏаш Совета^н ӏе́дало де́бабеш керла мостагӏий бара. Ребаӏати^н Совета^н ӏе́дало ше́ло́ йитине́ра, селханле́ра лулахо, тахана мостагӏ а кхайкхина дуьххьала дӏа къаьмнаш декъа, це́ра барт ца хилийта, оцу къаьмнех ледарнаш муьлш ду а туьйсуш цхьана могӏарелахь. Вон къаьмнаш дац, адамаш ду дика, вон доькъуш! Дуьненна гира-кх нохчий, гӏалгӏай цӏабе́рза буьйлабелча сий долу къаьмнаш: гуьржий, ӏаьндий, нохчий^н латта лар а дина, и нохчашка йухадерзийна, шай^н махка, шай^н дайх дисина долу лаьтта бирзина болу! Гира суьйлий а, хӏирий а – хӏинца а не́ха^н хьа́рамчу керташкахь, латтанашкахь ӏаш болу, не́ха^н кешнашкахь шай^н нах хьулла а беш! Веза Де́ла, хьо гуш ву-кх шадериг а!

Ребаӏат, сихалолахь! Хе́хой маца бухабоьрзу а ца хаьа, сихонца ге́на йа́ла! Ах га́ли хир долуш кӏа а карахь ше́н гӏора ма-дду йедира нохчий^н зуда, тахана ӏо́жалла дӏатоттуш. Йедира ше́н