Ас йуха а сай^н къамел дӏадийр ду…

…Ас йуха а сай^н къамел дӏадийр ду,
Къайлакхоьхьуш логах дуьйлу къурдаш.
Ас доӏа а не́на^н маттахь дийр ду, 
Тӏегулбина нохчий^н метта^н мурдаш.

ӏехош Да́ла хьа́налдинчу декъах
Тхайн синошна чукӏаргделла даьӏнаш,
Токхур о́ха къома^н сийлахь декхар,
Йуьхькӏай^н лоьхуш нохчий^н метта^н маьӏна.

Кхе́таш дуй тхо-м: тӏе́ра чан дӏаэцна,
Тептар санна, йухакего боло
Тӏаьхьалонна дӏабиллалуш бац и,
Буьйцуш хилар – и бу цуьна^н толам.

Цу кхе́тамах, дарба санна, ийна
Безачарна лезна и цаба́лар.
Цунах кхе́та тӏаьхьависна ӏийнарг,
Орцахва́лий, тху́на йуххе ва́ла.

Къилба тило хьийза бода хьаьъча,
Гур ду вайна, некъ вай^н нийса хиллий.
Маьршадохуш даг чу хьийза кхаьънаш,
Аьр вай тӏаккха нохчий^н коьрта илли!